top
logo


Home Poesia sarda A Valeriu
A Valeriu PDF Stampa E-mail
Valutazione attuale: / 3
ScarsoOttimo 
Scritto da Pep' 'e Ualla   
Lunedì 03 Agosto 2009 15:03

A VALERIU

 

E tui puru s’arriu as passau

chen’e manu amiga o de parenti,

però scideus chi luttu as lassau

che fradi e fillu de totu sa genti,

mancai finzas su prus disfortunau.

 

 

Cun tui Asuni torra at interrau

un aturu becciu testimongiu

de unu mundu ch’est giai spacciau

e fusti de is chi prus at supportau

dolori antigu e antigu abbisongiu.

 

 

As biviu solu e diseredau

campendi casi sceti ‘e caridadi

chi, rispettendidì sa dignidadi,

mai sa ‘idda t’at fattu mancai,

sa propiu chi t’at ‘ofiu accumpangiai

finzas a s’enna de s’eternidadi.

 

 

T’at abetau genti di ‘ogn ‘edadi

In “Putzu Nou”, innui ses arribau;

cumpangìa, su nou bixinau,

t’at a fai’ in s’ierru e in s’istadi;

pinnigau affaci ‘e su nuraxi

t’at affestau in su logu ‘e sa paxi.

 

 

E nosu ti sigheus a pensai

sonendi sa trumbitta in giru e in prazza,

che banditori crispu e di arrazza

t’eus a tenni’ sempir’ in memoria

e aici ti ‘oleus arregordai.

 

Adiu, Fogazza, e a sa Santa Gloria.

 

 Pep' 'e Ualla

 

bottom

Powered by Joomla!. Warning: call_user_func() expects parameter 1 to be a valid callback, function 'tdo' not found or invalid function name in /web/htdocs/www.monteualla.it/home/public/templates/colourful-world/html/pagination.php on line 153 Valid XHTML and CSS.

 © 2014 www.monteualla.it - tutti i diritti riservati - Web Master Dario Secci Asuni
 www.bakumeteo.it
Tutti i contenuti sono di proprietà dei rispettivi autori - vietata la riproduzione