SOS CUMANDOS

Cando m’ammento su tempus passàdu

Solu solu discuto e mi dimando,

Mai a minore happo cumandàdu

Ca cumandare non devìa tando.

Oe puru sò mannu e non cumando 

Ca sos fizos su postu mi han leàdu;

Cando un’ordine lis essèra dàdu

Rispondian luego non bi ando.

Deo a minore iscurtaìa cun brama

De sos anzianos sos bonos consizos,

Ma sa zente moderna nò est gài.

Prima cumandaìan babbu e mamma,

Oe in domo mia cumandan sos fizos:

E…intantu deo non cumando mai.

Questo sonetto è stato composto da Peppineddu CASU (COCCO)

Asuni  Maggio 1976