Trintasese ritrogadu "Pro sa Morte de s'Isposa Stampa
Valutazione attuale: / 5
ScarsoOttimo 
Scritto da Anselmo Ricci   
Lunedì 03 Agosto 2009 15:00

Il trintasese per la morte di Isabella Sarai, deceduta il 27/12/1943, la quale era fidanzata con Anselmo Ricci, ci rivela quelle che erano le nostre tradizioni nel passato.

 

TRINTASESE RITROGADU

PRO SA MORTE DE S’ISPOSA”

 

Su vintisette, de Nadale sa die

Mancàda m’est s’isposa tott’in d’una,

Cun tristura ricorre custa data.

 

Pro su chellu Isabella fisti fatta

Fulgida istella ‘e cussu tronu bellu

Isabella, fisti fatta pro su chellu

De cussu tronu bellu fulgida istella,

Pro su chellu fisti fatta, Isabella,

Ca fisti anima pìa prima ‘e morre.

 

Su vintisette, de Nadale sa die

Mancàda m’est s’isposa tott’in d’una,

Cun tristura custa data ricorre.

 

Lassàdu has cun dolore mamma e sorre,

pro esser dama a chie ti hat creàdu,

Cun dolore mamma e sorre has lassàdu,

Pro chie t’hat creàdu a esser dama,

Lassàdu has cun dolore sorre e mamma,

Pro viver d’eremita in sepoltura.

 

Su vintisette, de Nadale sa die

Mancàda m’est s’isposa tott’in d’una,

Custa data ricorre cun tristura.

 

De sa Provvidenzia, genuina creatura

Regina de virtùde e de innocenzia,

Creatura genuina de sa Provvidenzia,

De virtùde e innocenzia Regina,

De sa Provvidenzia creatura genuina,

Solu a mie hat riservàdu s’isfortuna.

 

 

Custa data ricorre cun tristura

Su vintisette, de Nadale sa die,

Mancàda m’est s’isposa tott’in d’una.

 

Preparàdu han sa capella sole e luna,

E a Isabella ch’hana collocàdu,

Sole e luna sa capella han preparàdu,

E ch’hana collocàdu a Isabella,

Sole e luna preparàdu han sa capella,

De lizos, ciclaminos e de rosas.

 

Custa data ricorre cun tristura

Su vintisette, de Nadale sa die,

Tott’in d’una mancàda m’est s’isposa.

 

Stimàdu coro meu, ‘ue riposas

Prite pro Deu m’has abbandonàdu?

Ue riposa coro meu istimàdu,

E prite abbandonàdu m’has pro Deu?

Ue riposa istimàdu coro meu,

Pottas esser dae nois adoràda.

 

Custa data ricorre cun tristura

Su vintisette, de Nadale sa die,

Tott’in d’una s’isposa m’est mancàda.

 

Retzida dae s’istella ses istàda,

In su prus bellu t’hat toltu sa vida,

Dae s’istella istàda ses retzìda,

Sa vida t’hat toltu in su prus bellu,

Retzìda ses istàda dae s’istellu,

Fiore meu candidu che nie.

 

 

 

Cun tristura ricorre custa data

Tott’in d’una mancàda m’est s’isposa,

Su vintisette, de Nadale sa die.

 

Gesusu nd’hat leàdu solu a tie,

S’hat separàdu pro non s’ider piùsu,

Leàdu solu a tie nd’hat Gesùsu,

Pro non s’ider piùs s’hat separàdu,

Gesùsu solu a tie nd’hat leàdu,

A su Regnu Divinu Celestiale.

 

 

 

Cun tristura ricorre custa data

Mancàda m’est s’isposa tott’in d’una,

Sa die vintisette de Nadale.

 

Sos cantos piùs bellos pastorales,

Ti fettan sos Anghelos cun sos Santos,

Sos piùs bellos pastorales cantos,

Cun sos  Santos Ti fettan sos Anghellos,

Sos cantos pastorales piùs bellos,

Mi tocca custa legge chi rispette.

 

 

Cun tristura ricorre custa data

Mancàda m’est s’isposa tott’in d’una,

De Nadale sa die vintisette.

 

Adiosu, e mi ‘nde lèo su bonette,

Creo chi non Ti scordes de s’isposu,

Mi ‘nde lèo su bonette…e adiosu,

Chi non Ti scordes de s’isposu creo,

Adiosu… e su bonette mi ‘nde leo:

Connoschia ses’in chelu o prenda rara,

Prega pro tottus Isabella cara.

 

 

 

Composta da Anselmo RICCI in occasione della morte della di Lui  fidanzata Isabella SARAI